Reglur og markmið

• Skráning fer eingöngu fram á rafrænan hátt á heimasíðunni frá 13. febrúar til 2. mars 2026 og verða 40-50 atriði valin til þátttöku.
• Þátttökugjald er 3.800 kr. fyrir hvern einstakling árið 2025.

• Skráning telst ekki gild nema greiðsla hafi borist Músíktilraunum fyrir lokafrest.

• Mjög mikilvægt er að setja nafn þátttakanda og atriðis sem skýringu þegar greitt er í heimabanka/banka.

• Á hverju undankvöldi skulu keppendur flytja tvö frumsamin lög. Heildartími þeirra skal ekki vera meiri en 10 mínútur. Á úrslitakvöldi flytja keppendur þrjú frumsamin lög. Ekki er skylda að spila sömu tvö lögin frá undankvöldum í úrslitum. Heildartími þeirra skal ekki vera meiri en 12-15 mínútur.

• Á hverju undankvöldi velur salur eitt atriði áfram í úrslit og dómnefnd eitt.

Athugið að þegar öllum undankvöldum er lokið hefur dómnefnd möguleika á að velja atriði áfram aukalega í úrslit. Möguleiki er því fyrir hendi að atriði komist áfram þrátt fyrir að hafa ekki farið áfram á sínu undankvöldi. Þetta verður tilkynnt á heimasíðu tilraunanna að loknum öllum undankvöldunum og einnig verður hringt í þá keppendur sem um verður að ræða.

• Á úrslitakvöldi er það eingöngu dómnefnd sem velur vinningshafa, en salur og áheyrendur kjósa um Hljómsveit fólksins.
• Músíktilraunir eru ætlaðar ungu fólki á aldrinum 13-25 ára.
• Framkvæmdarnefnd Músíktilrauna áskilur sér þann rétt að neita atriðum um þátttöku ef: Hljóðdæmi (demo) sem berst stenst ekki tónlistarlegar lágmarkskröfur sem gerðar eru til keppninnar, þátttökugjald hefur ekki verið greitt fyrir tilskilinn tíma eða af öðrum ástæðum.
• 40-50 hljómsveitir geta tekið þátt á tilraununum á hverju ári.
• Fagnefnd á vegum Hins Hússins mun velja og samþykkja umsóknir sem standast inntökukröfur tilraunanna.

Athugið að notkun áfengis og annarra vímuefna er stranglega bönnuð og verði þátttakendur eða gestir uppvísir að notkun þeirra er þeim tafarlaust vísað frá.

• Ef eitthvað kemur upp á, t.d. ef atriði ætlar að hætta við, þá verður að tilkynna það strax á musiktilraunir@reykjavik.is.