Markmið og reglur – Músiktilraunir

Markmið og reglur Músíktilrauna

Að veita ungum íslenskum hljómsveitum og tónlistarfólki tækifæri á að koma tónlist sinni á framfæri.

Að skapa vettvang fyrir unnendur tónlistar til að geta fylgst með ungum og efnilegum hljómsveitum og tónlistarfólki.

Að stuðla að því að fjölmiðlar skapi umræðu og kynningu í samfélaginu á ungu og upprennandi tónlistarfólki.

Að hvetja til textagerðar á íslensku.

Á hverju undankvöldi velur salur eina hljómsveit áfram í úrslit og dómnefnd velur einnig eina hljómsveit.
Athugið að þegar öllum undankvöldum er lokið hefur dómnefnd möguleika á að velja hljómsveitir áfram aukalega í úrslit. Möguleiki er því fyrir hendi að hljómsveit komist áfram þrátt fyrir að hafa ekki farið áfram á sínu undankvöldi. Þetta verður tilkynnt á heimasíðu tilraunanna að loknum öllum undankvöldunum og einnig verður hringt í þær hljómsveitir sem um verður að ræða.
Á úrslitakvöldi er það eingöngu dómnefnd sem velur vinningshafa, en salur og fólk heima í stofu kjósa um Hljómsveit Fólksins í símakosningu.

40-50 hljómsveitir geta tekið þátt á tilraununum á hverju ári. Fagnefnd á vegum Hins Hússins mun síðan velja og samþykkja umsóknir sem standast inntökukröfur tilraunanna.
Athugið að notkun áfengis og annarra vímuefna er stranglega bönnuð og verði þátttakendur og gestir uppvísir um notkun þeirra er þeim tafarlaust vísað frá.
Ef eitthvað kemur upp á, t.d. ef að hljómsveit ætlar að hætta við, þá verður að tilkynna það strax á musiktilraunir@reykjavik.is