Síða

Sigurvegarar Músíktilrauna

 

Frá árinu 1982 hafa 1180 hljómsveitir/-listamenn tekið þátt í Músíktilraunum.

Alltaf standa einhverjir uppi sem sigurvegarar. Mjög misjafnt er þó hversu vel

og hversu lengi sigurhljómsveitirnar hafa enst en oft hafa þó Músíktilraunir

reynst hljómsveitum sá stökkpallur og innblástur sem þarf til að gera það

gott hinum harða tónlistarbransa, innanlands jafnt sem erlendis.

 

Nægir að nefna Greifana, Kolrössu Krókríðandi (síðar Bellatrix), Maus

MínusBotnleðju (Silt),  XXX Rottweilerhunda, Jakobínurínu, Agent Fresco.

Sigurvegarar tilraunanna 2010, Of Monsters and Men, hafa vakið gífurlega

athygli um heim allan auk Samaris og Vök sem eru að gera sér gott nafn.

 

Einnig hafa margir þjóðþekktir tónlistarmenn stigið sín fyrstu spor á sviði á

Músíktilraunum. Má þar til dæmis nefna hljómsveitina Bee Spiders, en þar söng

ungur drengur að nafni Jón Þór Birgisson, betur þekktur sem Jónsi í Sigur Rós

og í hljómsveitinni The Lovely Lion mátti finna tónlistarmanninn Ásgeir Trausta.

Bróðir Svartúlfs gat af sér rappsveitina vinsælu Úlfur, Úlfur og meðlimir kvennapönk-

sveitarinnar Á túr höfðu hönd með í stofnun Bríetar - félags ungra feminista (1997-2003) 

sem hafði mikil áhrif á hugarfarsbreytingu hérlendis varðandi jafnrétti kynjanna.

 

 

Sigurvegarar Músíktilrauna frá upphafi eru:

 

2016 - Hórmónar
2015 - Rythmatik
2014 - Vio
2013 - Vök  
2012 - RetRoBot 
2011 - Samaris 
2010 - Of Monsters and Men 
2009 - Bróðir Svartúlfs 
2008 - Agent Fresco 
2007 - Shogun 
2006 - The Foreign Monkeys 
2005 - Jakobínarína 
2004 - Mammút 
2003 - Dáðadrengir 
2002 - Búdrýgindi 
2001 - Andlát 
2000 - XXX Rottweiler hundar 
1999 - Mínus 
1998 - Stæner 
1997 - Soðin Fiðla 
1996 - Stjörnukisi 
1995 - Botnleðja (Silt) 
1994 - Maus 
1993 - Yukatan 
1992 - Kolrassa Krókríðandi (Bellatrix) 
1991 - Infusoria (Sororicide) 
1990 - Nabblastrengir (Umbilical Cords) 
1989 - Laglausir 
1988 - Jójó 
1987 - Stuðkompaníið 
1986 - Greifarnir 
1985 - Gipsy 
1984 - Verkfall kennara, keppni féll niður 
1983 - Dúkkulísurnar 
1982 - D.R.O.N.