Músíktilraunir hefjast í kvöld!

Fyrsta undankvöld Músíktilrauna 2016 hefst í Norðurljósum Hörpu í kvöld. Tólf atriði eru á dagskránni: Aaru, Broskall, MurMur, Logn, John Doe, Spünk, Helgi Jónsson, Sæbrá, Gluggaveður, Liam Finze, Vertigo og Svavar Elliði! Það lítur sannarlega út fyrir svaðalega skemmtilegt og æsispennandi kvöld framundan! Fyrsta band byrjar á slaginu 19:30 svo gott er að mæta tímanlega. Aðgangseyrir er 1500 krónur og hægt er að kaupa miða á harpa.is og í miðasölu Hörpu. Á meðfylgjandi mynd má sjá hljómsveitina SíGull koma fram á úrslitakvöldi Músíktilrauna 2015.

Niðurröðun á undankvöldin tilbúin

Það eru 48 hljómsveitir sem taka þátt í ár sem telja samtals 152 þáttakendur. Við bárum okkur eftir því að fá fleiri stúlkur til þáttöku í Músíktilraunum í ár, og það bar árangur því stúlkur mynda fjórðung keppenda og er það met! Vissulega ætti þetta ekki að vera met, heldur sjálfsagt mál. Lengi má gott batna :) Annars viljum við benda á að niðurröðun er komin á undankvöldin og við hvetjum ykkur til að kynna ykkur málin nánar í hljómsveitaflipanum hér fyrir ofan!

Pages

Subscribe to Músíktilraunir 2017 RSS